သမိုင်းဆိုင်ရာ နှင့် ဗဟုသုတများ

ဧရာဝတီမိခင်မြစ်မသို့ စီးဝင်သွားသော မြန်မာများနှင့် ရခိုင့်လူဦးရေ (၂) မြန်မာဘာသာစကားသည် ဗမာစကားဖြစ်သည်။ မြန်မာ ဘာသာစကားသည် မြန်မာနိုင်ငံ၏ မိခင်ဘာသာစကား သို့မဟုတ်ဒုတိယဘာသာစကား ဖြစ်သည်။ထိုအတူ မြန်မာစာပေသည် မြန်မာစကား(ဗမာစကား)ကိုသာ အခြေခံပါသည်။ယခုအချိန်တွင် မြန်မာစာပေသည် ခိုင်မာ တည်ငြိမ်သော အဆင့်အတန်းရှိသော စာပေအဖြစ် မြန်မာနိုင်ငံ၏ အသက်သွေးကြော အဖြစ်လည်ပတ်နေပြီးဖြစ်သည်။ လက်ရှိတွင် ရခိုင်စာပေသည် မြန်မာစာနှင့် အက္ခရာ တူ၊ပျည်းတူ ၊ သရတူ ၊ လေသံအတိုင်းစာလုံးပေါင်းကာ ရက္ခဝဏ္ဏ အက္ခရာဟု ‌ရခိုင်များက ဆိုကြပြီး မြန်မာများက ဧကဝဏ္ဏအက္ခရာ အလွန်များပြားသောစကားလုံးများဖြင့် ဖွဲ့စည်းထားသော ဘာသာစာပေဟု ဆိုကြသည်။ ရခိုင်စကားနှင့် ရခိုင်စာပေသည် မြန်မာတို့၏ ရှေ့ခေတ်စကား စာပေနှင့် တူ သည်ဟု မြန်မာစာအကြောင်း မြန်မာများ ရေးသားသည့်ဆောင်းပါးများ၌ တွေ့ရသည်။ ပုဂံ‌ခေတ် ကျောက်စာများ ၌ လက်ရှိမြန်မာများ နားမလည်နိုင်သည့် ရခိုင်ဝေါဟာရ အသုံးမြောက်မြားစွာပါနေခြင်းကြောင်း ထိုသို့ဆိုခြင်း ဖြစ် ပေမည်။ ထိုအရာကြောင်း မြန်မာတို့၏ အတိတ်သမိုင်း စာပေ သည် ရခိုင်အငွေ့အသက်များဖြင့် ထုံးမွ...