လောင်း နန့် လှီ ကိစ္စ ပြောချင်စွာက
ခေတ်သစ် ရက္ခိုင်ပြည်မှာ လှီ(လှေ) ဆိုသူများသို့ မှာတမ်း။
**************************
ပြောချင်စွာက ကြာဗျာယ် FB Block ခံနီလို့.. ။
အဂုနောက်ပိုင်း FB ထက်မှာပါ အပြင်မှာပါ ရက္ခိုင်ပြည်မှာ လောင်း နန့် လှီ ပြဿနာ အပြိုင်အဆိုင် ငြင်းနီကတ်စွာတိ။ လောင်း..လား။ လှီ..လားနန့်
ငြင်းစွာတောင်မက အပြင်လောကမှာပါ စာပီအရွီးအသားတိပါ လှီပြိုင်ပွဲ (လှီ) ယင်းပိုင်ရွီးလာ ပြောလာစွာတိ မြင်ရရေ။
လောင်း နန့် လှီ ကိစ္စ ပြောချင်စွာက
၁။ ရက္ခိုင်ပြည်မှာ- လောင်းပြိုင်ပွဲရာဟိရေ။ လှီ ပြိုင်ပွဲ မဟိ။ လောင်းလှီပြိုင်ပွဲလည့် မကြားဖူး မဟိ။
၂။ ရက္ခိုင်ပြည်မှာ- ပြိုင်လောင်း လို့ရာကြားဖူးရေ ဟိရေ။ ပြိုင်လှီ လို့ မကြားဖူးမဟိ။ ပြိုင်လောင်းလှီ လို့လည့် မကြားဖူး မဟိ။
၃။ ရက္ခိုင်ပြည်မှာ- ရွှေလောင်း၊ ငွေ လောင်း ကြားဖူးရေ ဟိရေ။ ရွှေလှီ ၊ ငွေလှီ မကြားဖူး မဟိ။ ရွှေလောင်းလှီ၊ ငွေလောင်းလှီ လို့လည့် မကြားဖူး မဟိ။
၄။ ရက္ခိုင်ပြည်မှာ- ရွှေလောင်းတင်ရွာ လို့ရာကြားဖူးရေ ဟိရေ။ ရွှေလှီတင်၊ ရွှေလောင်းလှီတင် ရွာလို့ မကြားဖူး မဟိ။ ပြောလို့မရ အဂု ပြောင်းချင်ကေ ပြောင်းပစ်ဖို့သိမ့်။)
Google မှာ လောင်းပြိုင်ပွဲ လို့ စာရိုက်ရှာကြည့်.. လွန်ခရေ.. ၅ နှစ် ၁၀ နှစ်က တေးခြင်း သတင်း ရုပ်သံ စသည်တိရာတွိရလိမ့်မယ်။
လှီပြိုင်ပွဲ လို့ စာရိုက်ရှာကြည့် တစ်လုံးလေ့ တွိလီဖို့မဟုတ်။ အဂုနောက်ပိုင်း နှစ်က လုပ်ရေ ရွီးရေ Post တိရာတွိလိမ့်မယ်။ ယေဇူနန့် ပြောချင်စွာက ကိုယ့်မူ ကိုယ့်ဟန် ဟိယင့်သားနန့် ကိုယ့်စွာကို ဖျက်ဗျာယ်။ သူများ လီသံနောက်လိုက်ဗျာယ် ကိုယ့်လီသံ လုပ်ချင် ရွီးချင်ကေလေ့.. ဆက်လို့ရာ ရွီးကတ် ပြောကတ်။
ဗမာပြည်ဆိုစွာ ပင်လယ် မြစ်နားမှာ ဟိစွာမဟုတ်... ကမ်းရိုးတန်းဒေသမဟုတ်။ လောင်းကို မမြင်ဖူး။ မမြင်ဖူးလို့လေ့ သင်္ကြန်ကျရေ ရခိုင်တိဗက အတုခိုးသိမ့်ရေမလား။ လောင်းမှာ ရီထည့်ဗျာယ်။
ရက္ခိုင်ပြည်က ပင်လယ်နား မြစ်နားမှာဟိရေ ကမ်းရိုးတန််းဒေသဖြစ်ရေအတွက် လောင်းကို ရခိုင်ရို့ နှစ်ပေါင်းများစွာ အသုံးပြုလာရေ ဝမ်းရီးအတွက် လုပ်လာရေ ပစ္စည်းတိ။ အဂုခါပြီးမှ သူများနောက်လိုက် ( လှေ) လှီ ချင်ကေ လှီ လီကတ်။
စကားကို အရပ်ဒေသတိကြောင်း မတူကွဲပြားကေလေ့.. စာပီအရွီးအသားနန့် ကျလာခါ. တစ်ရွာတစ်ပုံဆန်း လုပ်လို့မရပါ။ စာပီမှာ ပုံစံ ( စံ )တစ်ခုတည်းရာ ဟိရပါဖို့။
*****************
Zaw Zaw
Comments
Post a Comment
စာဖတ်လို့မရရင် ပြောပါ။ Zawgyi လား၊ Unicode လား။