ယောဟန်ရွီးစွာ အကောင်းသတင်း၊ ပဌမအချက်

၁၇ ရာစု ပါသျှန်-ရခိုင် အဘီဓါန်ပြီးနောက် ပထမဆုံး ရခိုင်ခြင်း(ရခိုင်ဘာသာပြန်) လို့ မှတ်ယူရရေ Yo-han. St.John's Gospel ပါ။ ၁၉၁၄ ခုနှစ် ထုတ်ဝီပါရေ။ ၂၀ ရာစု အစပိုင်း ရခိုင်အပြောအခြီခံ ရွီးဟန်နန့် အသုံးအနှုန်းဝေါဟာရတိကို လိလာနိုင်အောင်လို့ မူရင်းသတ်ပုံအပုံအတိုင်း ပြန်ရွီးပနာ တင်ပြခြင်းရာ ဖြစ်ပါရေ။ ခဏ်း ၁ က ဖော်ပြပြီး ဖြစ်လို့ ၂ ကစလိုက်ပါရေ။

#ယောဟန်ရွီးစွာ အကောင်းသတင်း၊ ပဌမအချက်  

ခဏ်း ၂ 

၁ ယင်းနောက် တတိယ ရက်မာ ဂါလီလဲပြည် ကာနမြို့မာ မယားနီစပ်စွာ ပွဲတပွဲလုပ်

၂ တေခါ။ ဇီသျုအမိ ထိုပွဲမာ ဟိလိရေ။ ဇီသျုကိုလည်း တပည့်ရို့ န အတူ ပွဲတို့

၃ ခေါ်လီရေ။ စပျစ်ရည် ကုန်ရာမာ ဇီသျုအမိက ဇီသျုကို ထိုသူရို့မာ စပျစ်ရည်

၄ မဟိပျာ ဟုပြေရေခါ၊ ဇီသျုက ဟာ မမ၊ ငန နင်န ဇာပြောဖို့သင့်ရေလည်း၊ ငမာ အချိန်မရောက်သီး ဟု ပြန်ပြော

၅ လီရေ။ ကျွန်ရို့ကို ဇီသျု အမိက သူ

၆ ပြောသမျှကို လုပ်ကြတ်ဟုဆိုရေ။ ယခါ ယဒလူမျိုးရို့မာ စင်ကြေခြင်းအဖို့တွင် ထုံဇိုင်ဟိရေအတိုင်း ထိုအိမ်မာ နှုစ်မောင်းသုံးမောင်းလောက်စီ ဆန့်စွာ ကျောက်ရီအိုး ခြောက်လုံးတည်ထားရို့ဟိရေ။

၇ ကျွန်ရို့ကို ဇီသျုက ထိုရီအိုးရို့မာ ရီအပြည့်

၈ ဖြည့်လီကြတ်ဟု ပြောလီရေ။ ကျွန်ရို့ ရီအိုးမာ ရီအပြည့် ဖြည့်ထားရေ။ ယင်းနောက် အသျင်က အကု ရီခပ်ရို့ ပွဲသျင်ပါးမာ ယူလီကြတ်ဟု ပြောရေခါ ပွဲသျင်ပါး

၉ မာ ယူလီရေ။ ပွဲသျင် ရီကဖြစ်စွာ စပျစ်ရည်ကို မြဲကြည့်ရို့ ဇာအရပ်မာ ရရေလည်းဟု ရီခပ်သူ ကျွန်ရို့သိရေလည်း ယင်းသူ ကိုယ်တိုင် မသိရေတွင် မင်ဂလာ

၁၀ ဆောင်သူ သတိုးသားကို ခေါ်ရို့၊ အခြားသူရို့ စပျစ်ရည် အကောင်းကို ဦးဦးအယင်ထည့်ရို့ အကုန်သူ လူသောက်ပြီးရေနောက် ယင်းသူရို့ကို တဖဲ့မကောင်းစွာ စပျစ်ရည်ကို ထည့်ကျင်ရေ။ နင်ကား အကုတိုင်ယောင် စပျစ်ရည်အကောင်းစွာကို ရွှက်ထားပျာ

၁၁ ဟုဆိုရေ။ အသျင်ပြစွာ နမိတ်လက်ခဏာများမာ အစအဦး အမှုတ်ကို ဇီသျုသည် ဂါလီလဲပြည်ကာနမြို့မာ ထင်ပြရို့ ကိုယ့်ဘုန်းကို ထင်ရှာစီရေ။ တပည့်ရို့လည်း အသျင်ကို ကျုံကြတ်လီရေ။

၁၂ ယင်းနောက် အသျင်သည် အမိညီတပည့်ရို့နအတူ ကပေရနောင်မြို့တို့ လားရို့နီ ရက်အများ အကြာ မနီလီ။

၁၃ ယုဒ လူမျိုးရို့မာ ကျွတ်ခြင်းတရားပွဲအချိန်ပါးရေတွင် ဇီသျု ယေရုသလင်မြို့တို့ လားလီရေ။

၁၄ နောက်က ပမှန်တော်မာ နွားများ၊ သိုးများ၊ ဂြိုးများ ရောင်းသူရိုကို ဖြစ်စီ၊ ကြီငွေလက်လှည် သူရို့ထိုင်နီစွာကို ဖြစ်စီ တို့ မြင်ရို့

၁၅ ကြိုးများန မြင်းခတ်ချိုင်ပြီးကာ သိုးနွားဟိသမျှကို နှင်ထုတ်ရို့ ကြီငွေလက်လှည်သူရို့က ကြီငွေကို သွန်ပစ်ရို့ ယင်းသူရို့ထိုင်

၁၆ ခုံ အကုန်ကို မှောက်လှန် ပစ်လီရေ။ ဂြိုးရောင်းသူရို့ကိုလည်း အသျင်က ဒေအကုန်ကို ဒေအရာက ယူလီကြတ်၊ ငအဘ အိမ်ကို အကုန်စွာရုံ မလုပ်ကေဟု ပြောလီရေ။

၁၇ ယခါ အသျင်အိမ်မာ စွဲလမ်းပူပန်ခြင်းစိတ် အကျွန်ကို စားလိ့မည်ဟု ကျမ်းချက်

၁၈ ကို တပည့်ရို့က သတိရရေ။ ဤဇောင်တွင် ယုဒလူမျိုးက အသျင် ဒေအလုပ်အရာများကို ပြုရေတွင် အကျွန်ရို့ကို ဇာ နမိတ်လက်ခဏာ

၁၉ ပြရေလည်းဟု မီးလီရေ။ ယခါ ဇီသျုက ဒေ ပမှန်တော်ကို ဖျက်ပစ်လိုက်ကြတ်။ သုံးရက်အထဲမာ ငါ လုပ်ပီးမည်ဟု ယင်းသူရို့ကို ပြန်ရို့ပြောလီရေ။ ယုဒလူမျိုးရို့

၂၀ လည်း လေးဆယ် န ခြောက်နှစ်တိုင်ယောင် ဒေ ပမှန်တော်ကို တည်လုပ်ရရေ။ အသျှင်ကား သုံးရက်အထဲမာ ပြီယောင် လုပ်နိုင်

၂၁ ဖို့လောဟု အသျှင်ကို ပြောလီရေ။ ယေဆိုလည်း ဇီသျုမာ ကိုယ်ခန်ထာ ပမှန်

၂၂ တော်ဖြစ်ခြင်းကို ပြောလီရေ။ ထို ကျေးဇူး အသျင် သီသူရို့ မက ရှင်ပြန်ထမြောက်တေ ကာလ အသျင် ဒေပိုင်ပြောစွာကို တပည့်ရို့ သတိရရေတွင် ကျမ်းစာမာဖြစ်စီ ဇီသျုပြောစွာ စကားကို ဖြစ်စီ ကျုံကြတ်တေ။

၂၃ အသျှင် ကျွတ်ခြင်းတရားပွဲရက်မာ ယေရုသလင်မြို့မာဟိနီရေခါ လူရို့အများပြစွာ နမိတ်လက်ခဏာကို မြင်ရရို့ အသျင်

၂၄ နာမည်ကို ယုံကျုံကြတ်တေ။ ယေဆိုလည်း ဇီသျု လူအကုန်ကို အသိအကျွမ်ဟိရေတွင် ဖြစ်စီ၊ လူရို့၀မ်းထဲမာ မှေသေပိုင်ဟိရေကို ဖြစ်စီ၊ အသျင်သိမြင်ရေတွင် လူအကြောင်းကို လူတစုံတယောက်ပင် သက်သီခံဖို့ကို အလိုမဟိရေတွင် ယင်းလူရို့ကို ကျုံဖို့စိတ်မချ။

ခဏ်း ၃

၁ ထိုအခါ ဖါရီသျီရို့အထဲက ယုဓလူမျိုးရို့မာ ဆရာဖြစ်သူ နီကောဒိန် အမည်ဟိသူ တယောက် အသျင်ပါးမာ ညည့်အခါလာရို့။

၂ ရဗ္ဗိ၊ အသျင်ဘုရားသခင်ပါးက ရောက်လှာသူ ဆရာဖြစ်တေကို အကျွန်ရို့ သိကြတ်တေ။ အကြောင်းကား အသျင်ပြစွာ နမိတ်လက်ခဏာကို တစုံတယောက်လည်း ဘုရားသခင်နအတူ မဟိကေ မပြနှိုင်ဟု အသျင်

၃. ကို ပြောရေခါ။ ဇီသျုက လူရို့အသစ်တပြန် မမွီးကေ ဘုရားသခင်ပြည်ကို မြင်ရမည်မဟုတ်။ နက်ကို ငါ အမှန်အကန် ပြောရေဟု ပြန်ရို့ပြောလီရေ။

၄. နိကောဒိန်ကလည်း လူအကြီးဖြစ်ကေ အရာတပြန် ဗဇောင် မွီးဖို့လည်း၊ အမိ၀မ်းထဲမာ တခါ ၀င်ပျော် မွီးပြန်နှိုင်ဖို့လော

၅. ဟု မီးတော်။ ဇီသျုက နက်ကို ငါ အမှန်အကန် ပြောရေကား၊ လူသည် ရီန ဖြစ်စီ ဝိညည်တော်န ဖြစ်စီ မမွီးကေ ဘုရားသခင် 

၆. ပြည်တို့ ၀င်နှိုင်ဖို့ မဟုတ်။ အသွီးအသားန မွီးစွာအရာကား အသွီးအသားရာဖြစ်တေ၊ ဝိညည်တော်န မွီးစွာအရာကား ဝိညည်တော်

၇. ဖြစ်တေ။ နင်အသစ်တခါ မွီးရမည်ဟု ငါ ပြောစွာကို အံ့အောခြင်း မပြုကေ၊

၈. လီတိုက်လိုရာ တိုက်ရို့ အသံကို နင် ကြားရရေ။ ဇာအရပ်က လာရေ၊ ဇာအရပ်တို့ လားရေ နင်မသိ။ ထိုနည်းတူ ဝိညည်တော်န မွီးစွာလူဖြစ်တေဟု ပြောလီရေ။

၉. နိကောဒိန်က ဒေအကြောင်းများကို ဗဇောင်ဖြစ်နှိုင်ဖို့လည်းဟု အသျင်ကို ပြောရေခါ၊

၁၀. ဇီသျုက ဣသရေလ လူမျိုးရို့မာ နင်ဆရာဖြစ်ရို့ပင် ဒေအကြောင်းကို နားမ

၁၁. လည်လော။ ငါ အမှန်ပြောရေကား ငရို့သိစွာ အကြောင်းကို ပြောပြရေ။ မြင်စွာအရာကို လည်း သက်သီခံရေ။ ငရို့သက်သီ

၁၂. ခံခြင်းကို နင်ရို့ မခံမယူကြတ်။ ဒေမြီကြီးန စပ်စွာ အခြင်းများကို ငါ ပြောရေလည်း နင်ရို့ မကျုံကြတ်ကေ၊ ကောင်းခင်ဘုံန စပ်စွာအခြင်းများကို ပြောကေ

၁၃. ဗဇောင် ကျုံကြတ်ဖို့လည်း။ ကောင်းခင်ဘုံက ဆင်းလာရို့ ကောင်းခင်ဘုံမာလည်း ဟိသူ လူသားတပါကို ပယ်ရို့ တစုံတယောက် ကောင်းခင်ဘုံတို့ တက်ဘူးသူ မဟုတ်။

၁၄. မောသျီ တောမာ မြွီကို မြှင်ထားရေပိုင် လူသားသည် မြှင့်ထားခြင်းကို ခံရမည်။

၁၅. အကြောင်းကား သားတော်ကို ကျုံသူ ပျက်စီးခြင်းတို့ မရောက်ပိုင် ထာ၀ရအသက်

၁၆. ကို ရမည်။ အကြောင်းကား ဘုရားသခင် ဒေလောက သားရို့ကို ဒလောက် ချစ်တေတွင် အသျင်တပါးတည်းသော သားတော်ကို စွန့်ရေ အရာမာ ချင်သူမဆို သားတော်ကို ကျုံသူ မပျက်ပိုင် ထာ၀ရ အသက်ကို 

၁၇. ရလိ့မည်။ ဘုရားသခင် ဒေလောကသားရို့ကို အစစ်အစာပြုဖို့တွင် သားတော်ကို ဒေလောကတို့ ရွှတ်လိုက်တေ မဟုတ်။ သူရို့ကို ကယ်တင်ဖို့ အတွက်န သားတော် 

၁၈. ကို ရွှတ်လိုက်တေ။ အသျင်ကိုကျုံသူ တရားစစ်စာခြင်းကို မခံရ။ မကျုံသူကား ဘုရားသခင် တပါးတည်းသော သားတော်နာမည်ကို မကျုံရေတွင် တရား

၁၉. စစ်စာခြင်းကို ခံရပျာ။ တရားစစ်စာခြင်းကားလည်း အလင်းတော် ဒေလောကတို့ ရောက်တေတွင် လူရို့မှောင်မိုက်ကို ထိုအလင်းကိုထက် နှစ်သက်တေ၊ အကြောင်းကား သူရို့အကျင့်အလုပ်များ

၂၀. ဆိုးသွမ်းရေ။ ဆိုးသွမ်းစွာပြုကျင့်သူရို့ အလင်းကို မုန်းရေတွင် ကိုယ်ရို့ အလုပ်များကို ဖော်ပြခြင်းကို မခံစီဖို့ အလင်းတော်ဟိရာတို့ မလာမရောက်ဟိနီရေ။

၂၁. သမ္မာတရားအတိုင်းပြုကျင့် သူကား သူအလုပ်များကို ဘုရားသခင်န ပြုကျင့်ရေကို ဖော်ပြစီဖို့ အလင်းတော်ဟိရာတို့ လာရောက်တတ်တေဟု ပြောလီရေ။

၂၂. ထိုနောက်က ဇီသျုန တပည့်ရို့ ယုဒပြည်တို့ လာရို့ အသျင် ထိုပြည်မာ တပည့်ရို့န အတူ နီခါ ရီနှစ်မင်ဂလာ

၂၃. ကိုပီးလီရေ။ ယောဟန်လည်း သျာလိမ်မြို့နားမာ အေနိုန်မာ ရီများရေတွင် ထိုအရပ်မာ ရီနှစ်မင်ဂလာကို ခံကြတ်

၂၄. တေ။ အကြောင်းကား ယောဟန် ထောင်

၂၅. မာ မကျသီး။ ထိုအခါ စင်ကြည်ခြင်း အကြောင်းန စပ်ရို့ ယုဒလူမျိုးတယောက်န ယောဟန်တပည့်ရို့ အငြင်းဖြစ်ရာမာ ထိုသူရို့ ယောဟန်ဗါးတို့ 

၂၆. လာရို့ ရဗ္ဗီ၊ ယောဒန်ချောင်းတဖက်က အသျင်န အတူဟိရို့ အသျင် သက်သီခံ သူသည် ကြည့်ပါ။ ရီနှစ်မင်ဂလာကို ပီးရို့ ဟိရေ။ လူအကုန်သူလည်း ထိုအသျင်တို့ 

၂၇. လားကြတ်တေဟု ပြောတော်။ ယောဟန်က လူ တစုံတယောက် ကောင်းခင်ဘုံက သနားခြင်း မခံရကေ ဇာအရာကို မဆို 

၂၈. မရနှိုင်။ ငါ ခရစ်တော် မဟုတ်။ ခရစ်တော်ရှိက ရွှတ်လိုက်သူ ဟုတ်တေ ဟု ငါပြောစွာကို နင်ရို့ ကိုယ်တိုင် ငါန 

၂၉. အတူ သက်သီခံကြတ်တေ။ မင်ဂလာဟိ သူ သတို့သမီးကိုရသူ မင်ဂလာဟိသူ သတို့သားဖြစ်တေ။ ယေဆိုလည်း မင်ဂလာဟိသူ သတို့သား နံဗားမာ ရပ်ရို့ ယင်းသူ စကားကို ကြားသူ အဆွီခင်ပန် ဖြစ်တေ။ သူ စကားကို ကြားရေတွင် ယင်းသူမာ အရွန်၀မ်းသာခြင်းဟိရေ။ ဤဇောင်တွင် 

၃၀. ငါ ၀မ်းသာခြင်းပြည့်စုံပျာ။ အသျင်ကြီးလိ့မည်။ ငါကား ဆုတ်ယုတ်ရမည်။ 

၃၁. အထက်က လာရေ အသျင်ကား အကုန်သူထက် အမြတ် ဖြစ်တေ။ ဒေလောကမာ ဖြစ်သူကား ဒေ လောကန တန်ရေ။ လောက န တန်စွာ အရာကိုလည်း ပြောဆိုတတ်တေ။ ကောင်းခင်ဘုံက လာရေ အသျင် အကုန်သူထက် အမြတ်ဖြစ်တေ။

၃၂. မြင်စွာကြားစွာ အရာကို သက်သီခံရေ။ သက်သီခံစွာကို တစုံတယောက်လည်း မ

၃၃. ခံမယူ။ သက်သီခံစွာကို ခံယူသူကား ဘုရားသခင်သည် အမှန်အကန် အကြောင်း

၃၄. ကို ဆပ်ခတ်သူ ဖြစ်တေ။ အကြောင်းကား ဘုရားသခင် ရွှတ်လိုက်တေ အသျင်ဘုရားသခင် စကားကို ဟောပြောရေ။ ဘုရားသခင် ဝိညည်တော်ကို အတိုင်အထွာ တွက်

၃၅. ရို့ ပီးရေ မဟုတ်။ အဘသားတော်ကို ချစ်ရို့ အကုန်အရာကို အသျင်လက်မာ 

၃၆. အပ်ခရေ။ သားတော်ကို ကျုံသူ ထာ၀ရ အသက်ကို ရရေ။ သားတော်ကို မခံမယူ သူကား ထာ၀ရ အသက်ကို မြင်ရမည် မဟုတ်။ ဘုရားသခင် မန် ယင်းသူထက်မာ တည်ရေဟု ပြောလီရေ။

Special Thanks to ရဲမြတ်မောဂ်