ဧရာဝတီ မိခင်မြစ်မသို့ စီးဝင်သွားသော မြန်မာများနှင့် ရခိုင့်လူဦးရေ (၂)

ဧရာဝတီမိခင်မြစ်မသို့ စီးဝင်သွားသော မြန်မာများနှင့် ရခိုင့်လူဦးရေ (၂)

မြန်မာဘာသာစကားသည် ဗမာစကားဖြစ်သည်။ မြန်မာ ဘာသာစကားသည် မြန်မာနိုင်ငံ၏ မိခင်ဘာသာစကား သို့မဟုတ်ဒုတိယဘာသာစကား ဖြစ်သည်။ထိုအတူ မြန်မာစာပေသည် မြန်မာစကား(ဗမာစကား)ကိုသာ အခြေခံပါသည်။ယခုအချိန်တွင် မြန်မာစာပေသည် ခိုင်မာ တည်ငြိမ်သော အဆင့်အတန်းရှိသော စာပေအဖြစ် မြန်မာနိုင်ငံ၏ အသက်သွေးကြော အဖြစ်လည်ပတ်နေပြီးဖြစ်သည်။ လက်ရှိတွင် ရခိုင်စာပေသည် မြန်မာစာနှင့် အက္ခရာ တူ၊ပျည်းတူ ၊ သရတူ ၊ လေသံအတိုင်းစာလုံးပေါင်းကာ ရက္ခဝဏ္ဏ အက္ခရာဟု ‌ရခိုင်များက ဆိုကြပြီး မြန်မာများက ဧကဝဏ္ဏအက္ခရာ အလွန်များပြားသောစကားလုံးများဖြင့် ဖွဲ့စည်းထားသော ဘာသာစာပေဟု ဆိုကြသည်။ ရခိုင်စကားနှင့် ရခိုင်စာပေသည် မြန်မာတို့၏ ရှေ့ခေတ်စကား စာပေနှင့် တူ သည်ဟု မြန်မာစာအကြောင်း မြန်မာများ ရေးသားသည့်ဆောင်းပါးများ၌ တွေ့ရသည်။ ပုဂံ‌ခေတ် ကျောက်စာများ ၌ လက်ရှိမြန်မာများ နားမလည်နိုင်သည့် ရခိုင်ဝေါဟာရ အသုံးမြောက်မြားစွာပါနေခြင်းကြောင်း ထိုသို့ဆိုခြင်း ဖြစ် ပေမည်။ ထိုအရာကြောင်း မြန်မာတို့၏ အတိတ်သမိုင်း စာပေ သည် ရခိုင်အငွေ့အသက်များဖြင့် ထုံးမွှန်းထားသော ရခိုင် စာပေမှ မွေးဖွားလာသည်ဟု ပြောရမည့် ခိုင်မာသည့် အချက် ဖြစ်သည်။ ထိုးကြောင့် ယခုအချိန်၌ မြန်မာစာပေသည် မိခင်စာပေဟုဆိုလျှင် မြန်မာစာပေ၏ ဖခင်မှာ ရခိုင်စာ‌ပေဖြစ်လိမ့်မည်။ မြန်မာစာပေသည် ရခိုင်စာ၏ ပဋိသန္ဓေ‌ မှာ ဖောက်ဖွားလာ၍ဖြစ်သည်။ ယခုအခါ ထိုစာများသည် မြန်မာများ ၏ မြန်မာစာအဖြစ် တိုးတက် ခိုင်မာလာခဲ့ပြီး ဖြစ်ပေသည်။ ထိုထိုသော ရခိုင်ဘာသာ စကားသည် မြန်မာတို့၏ ဒေသီ ယမြန်မာစကား အသွင်ဖြင့်သာ သိမ်ငယ်သွားအောင် ဖန်တီး လာသည်ကို တွေ့ရပါသည်။ " မြန်မာ" တည်းဟူသော ဝေါဟာရ၏ အောက်သို့ "တိုင်းရင်းသား" တည်းဟူသော လူမျိူးစုများမှာ တသွင်သွင် စီးဝင်လျှက် တဖြည်းဖြည်း စကားပျောက် လူမျိုးပျောက်လာသည်ကို လက်တွေ့မြင်တွေ့နေရသည်။ယခုအတိုင်းသာ ဆက် သွားနေလျှင် နောင်လာမည် အနာဂတ် ကာလ၌ အားလုံးမြန်မာစစ်စစ်များပင် ဖြစ်လာကြလိမ့်မည်ထင်မိပါသည်။ ရခိုင်များသည် မြန်မာ နှင့် စကားအတူဆုံးလူမျိုးဖြစ်သော်လည်း မြန်မာစကားပြောဆိုရာတွင် တခြားတိုင်းရင်းသား လူမျိုးစုများလောက် ပီပီသသ မပြောနိုင်ကြသည်ကို တွေ့ရမည်။ထိုအတူ မြန်မာစကားသည် မိရိုးဖာလာတတ်ပြီးသား စကားတစ်ခုလည်းဖြစ် သည်။ သို့သော် ရခိုင်တို့၏ ရိုးရာ ၊ယဉ်ကျေးမှု ၊ဓလေ့ ၊ထုံးတမ်း၊ဘာသာစကားများမှာ မြန်မာတို့ အရွှေ့အောက်သို့ စီးဝင်နေပြီး ဖြစ်သည်ကို ရခိုင်တချို့ မသိနိုင်ကြသေးပေ။ ရခိုင်တို့၏ ကောင်းနိုးရာရာများလည်း မြန်မာမှုပြုပြီးဖြစ်လိမ့်မည်။ မြန်မာအရွှေ့အောက်က စီးဆင်းနေသော ရခိုင်များအဖို့ မြန်မာအငွေ့အသက်မပါသော ရခိုင်စာပေတစ်ရပ်သာမက ရခိုင် စကားပြောရန်ပင်ခက်ခဲ့ နေပေသည်။ ရခိုင်လူမျိုး အများက မိမိတို့သည် မြန်မာများဟု ထင်မြင်ကြသည်။မြန်မာနှင့်ဗမာ အတူတူဟု မထင်ကြ‌‌ေပ။ကျွန်တော် ကျောင်းနေအရွယ်၌ထိုသို့ထင်ခဲ့ဖူးပါသည်။ လက်ရှိမြန်မာ စာသင်ကျောင်းများသည်ကျောင်းသားများကို မြန်မာစိတ်ဓါတ် မြန်မာ့အသွေးအသားများထည့်ကာ မြန်မာများ မွေးထုတ်လျှက်ရှိသည်။မည်သည့် လူမျိုးမဆို လူမျိုးမတူသူများ မှ မွေးလာသော မျိုးဆက်များမှာလည်း မှတ်ပုံတင်ကအစ မြန်မာဟု ဖြစ်သွားကြသည်ကိုသာတွေရပါသည်။ ရခိုင်+ကရင်=မြန်မာ ၊ ကရင်+ချင်း=မြန်မာ အစရှိဖြင့်ဖြစ်သည်။ အလိုလိုပင် မြန်မာဖြစ်သွားသည်များလည်း အများ အပြားရှိသည်။ လူမျိုးတစ်မျိုးသည် မည်သည်အခြေအနေ ၊မည်သည့် အချိန်အခါ ၊ မည်သည့်နေရာ၌ပင် မွေးဖွားပါစေ မိမိလူမျိုး ၏ ဖြစ်တည်မှုကို လက်ခံရမည်ဖြစ်ပြီး မည်သည့် ပယောဂ၊ အတားအဆီးမရှိဘဲ မိမိလူမျိုးအဖြစ် ရပ်တည်ခွင့်ရှိသည်။ ထိုအခြင်းအရာကို တားဆီးသည်သည့် မည်သည့်ကြောင်းကို ကိုမဆို တွန်းလှန်ဖယ်ရှားရမည်ဖြစ်သည်။လူနည်းစုလူမျိုး များအတွက် ပို၍ အရေးကြီးသော အရာ‌လည်းဖြစ်သည်။ အလွန်ထင်ရှားခဲ့သော ပျူလူမျိုးများသည်ပင် ဝါးမျိုခံရပြီး ဤ ကမ္ဘာကြီးမှ လုံးဝဥသုန် ပျောက်သွားခဲ့ပြီးဖြစ်သည်။ နောက်စိတ်ပါခါ ဆက်ရီးပါဖို့😁 Credit သျှင်စိုး 🌟━─━─━─━─━🌟━─━──━─━─━🌟 Zaw Zaw (ရက္ခပူရတိုင်း) Blogger.